食環狗的無恥面積
住喺十八區嘅各位，有見識過新界仔、家農等唔知哪裏來嘅菜檔啦。格外響亮而刺耳嘅普通話，窄上加窄嘅通道，被菜汁水滴濕滑嘅嘔心地面，去到邊都神憎鬼厭，偏又受啲貪小便宜嘅阿婆師奶歡迎，用廣大街坊嘅不便，去換取個人小着數，自私到不顧陰德。
咁食環狗管唔管呢？
佢哋對住議員、市民都係汪汪兩句，我翻譯如下：擺出通道嘅菜檔有碌，屬於上落貨中，唔係非法擺賣，叫得嘈就環保署管嘅，唔關我哋事，總之佢哋嘅做法就係無問題。然後同對住無牌小販咁，久唔久派啲着制服嘅人去巡下，咁檔主都唔係弱智嘅，見你着住戲服嚟，就同食環狗一齊演齣社會荒謬劇。
重點嚟喇，咁食環狗係咪一定要披住件制服呢，佢哋話執法時係要，所以無得唔係咁做。
偏偏，區議員搞放映會，就有食環狗識得扮人入去搜證，完場先拉人封艇，做法嘔心。
最無恥嘅唔係放蛇咁簡單，係雙重標準，係表𥚃不一。對住大陸口音，建制公司，就一味按固有方法做事，總之有做嘢，有無效果我唔理；到政治檢控時，就無所不用其極，嗰種作為犬奴嘅忠心咀臉，實令人慘不忍睹。
以後路過街邊菜檔，見到正在演戲嘅食環狗，不妨嚟個合照，好似狗店長咁，都係菜檔嘅吉祥物，放喺度看門口的。
Search